Museumstenesta i Aust-Telemark - Brekkerunningsfjoset

Heddal Bygdetun
	Velkommen til Heddal Bygdetun
	Aktuelt
	Fotoarkiv
	Bygningar
	Historikk
	Praktiske opplysningar
	For skulen
	Utstillingar

Tuddal Bygdetun
	Velkommen til Tuddal Bygdetun
	Aktuelt
	Fotoarkiv
	Bygningar
	Praktiske opplysningar
	Historikk
	For skulen
	Utstillingar

Tinn Museum
	Velkommen til Tinn Museum
	Aktuelt
	Fotoarkiv
	Bygningar
	Praktiske opplysningar
	Historikk
	For skulen
	Utstillingar

Utskriftsvennlig side

Brekkerunningsfjoset

Brekkerunningsfjoset , utsida

Årstall: Ca. 1650
Plassering: Brekkerunningen/ Brekke gnr. 115
Bruk: Fjos
Særtrekk:
Litteratur:

Detalj laftehue på fjos

Dette fjoset stod i Brekkerunningen, ein plass under Brekke gnr. 115. Det har vore uvanleg svært furuvirke i dette fjoset. Dei største svillane er kring 60 cm breie, og der står kvistar i veden som held sine 5 tommar i tverrmål. Han har vore romhendt Brekkemannen som lèt husmannen sin få slikt virke or skogen. Helst er fjoset bygt i Brekke og seinare blitt flutt ned.

Når ein ser på dette huset, får ein eit godt bilete av at det også har vore kjempeskog i Bondal.

dør på fjoset

Elles veit me ikkje noko å fortelje om fjoset. Det er gamalt, helst frå einstads på 1700-talet. Det kan vere frå Gunlek Johnsens tid, f. 1769. Han var far til målaren Ingebrett Brekke, eller kanskje det er frå hans far Johns tid? Han som har bygd det, er gløymd. Gamlefjoset i Uppigard Bondal er likt dette.
Ingen namn eller årstal er å finne. Berre ein D og ein V står over døra. Merke etter bås- og bandfeste står både inn- og utvendes so det må vere opp att stelt. Døra er låg – berre so vidt dei små kyrne den gong fekk smette ut og inn. Over sperrene har vore ein hjell.
Innfor desse svillane kunne buskapen kjenne seg trygg både for udyr og uver. Vel leà øyro seg uroleg i båsar og småkrettur-gardar når bjørnebrummel uti skogkanten og skrubbeyl bort frå Skjenanvassisen, stod inn gjenom ver-etne veggemot.
Hadde Tov Gunnlfsen Bingen f. 1870 levt, hadde me fenge visst meir. Han budde i Brekkerunningen ei tid og var ein minnug mann. Museumslaget kjøpte fjoset av Knut Bondal for kr. 400,-

(Etter O.J. Rui)